香港新浪網 MySinaBlog
« 上一篇 | 下一篇 »
韋太 | 11th Mar 2008, 00:13 AM | [陳氏宗親會] | (1967 Reads)

[陳氏宗親會] 昨天提早去掃墓, 點知亞嫂星期六問我得唔得閒, 得閒就自己整d紅包、鬆糕去拜祭爹娘, 我話得閒都唔係要連紅包工作給韋太做呀 ?

我d Schedule (蛋糕排隊做)都好密, 有時間都去鑽研下其他啦 !

後來嫂嫂話而家連d紅包都好似由大陸來港, 有時放左唔知幾多天及發霉的.

(因為有時都會留起幾個包回家自己食麻), 所以, 我都係試下整d新鮮包包給爹娘吃好d)個圓形不太靚的就用左做壽包的食譜, 加左食用紅色素去做的. 而大發糕就簡單快捷d,打完就即蒸. 今次食譜改良過, 材料會慳d.

今年係媽媽過身的第一年清明, 我地認為要做得好好睇睇, 做以就訂左一隻 (中)豬上山,實行來一次"太公分豬肉 ". 嘩 ! 隻中豬都唔輕架, 都有成30幾斤, 今次得六家人分(有兩家身處海外), 每人都拿到成5-6斤燒肉, 睇來這兩星期隔餐都有燒肉食, 真係有得食都叫怕怕 !