香港新浪網 MySinaBlog
« 上一篇 | 下一篇 »
韋太 | 22nd Feb 2006, 21:36 PM | 雞翼起骨過程 | (48637 Reads)

平均分: 9.50 | 評分人數: 4

 想食糯米釀 雞 翼而又唔識將d雞翼起骨 ?

 想唔想知道乜野叫做 " 一雞三味 " 呢 ? .......

 

 起骨過程 : 

 雞全翼

 

  將雞搥及雞中翼斬開, 一定要將雞中翼頭一節骨斬開.

 

  然後用食指插入雞翼中間, 母指及中指一起將雞肉向下推.

 

    最後, 將骨慢慢轉幾個圈... 就可以將骨頭原整地拆斷出來.

 

    雞搥可以將它反轉, 做出其他菜式.

  

    而雞全翼, 可以醃左之後, 用焗爐都可以做到燒雞翼的效果架 !

    去一次街市, 買 5-6 隻雞翼回來, 3 隻做糯米雞翼, 3 隻做燒雞翼, 而雞搥醃好後,

   就用錫紙包住一齊去焗. 又是另一番風味 ! 重唔係 "一雞三味 " ?

   ***********************************************

  用布隔住蒸糯米飯, 做出來的效果會是一粒粒飯,

 跟住去炒飯都可以做到生炒糯米飯的效果.

 

 蒸熟後的粒粒糯米飯

  你地看看用焗爐焗出來的雞翼, 似唔似剛剛燒出來的雞翼呢 ?

      

材 料 :

雞全翼  6隻    糯米飯  2碗   蝦米 1湯匙 (浸軟?粒備用)     蜜糖  適量

雞翼醃料 :

生抽 1湯匙    老抽 1/4 茶匙    乾蔥頭 2 粒 (?幼)    鹽 少許
生粉 2 茶匙    雞粉 1 茶匙     紹興酒  2 茶匙       糖 1 茶匙

預備 : 焗爐預先用200度預熱15分鐘

做 法 :
1. 先將雞全翼的雞搥切去, 再將雞翼起骨, 然後加入調味料醃 30分鐘.
2. 將糯米飯釀入雞翼內, 然後用牙簽將口封好.
3. 焗盤用錫紙包口及掃油, 將雞翼放在焗盤上, 用180度火焗 20分鐘後, 將雞翼取出,
然後掃上蜜糖或蜜芽糖, 再將雞翼放回入焗爐再焗 5 分鐘使其上色即可上碟.

注 : 糯米飯做法, 跟以上用布隔水蒸的方法去做, 蒸時,將蝦米粒放在飯上面一起蒸熟.