香港新浪網 MySinaBlog
« 上一篇 | 下一篇 »
韋太 | 14th Mar 2009, 21:59 PM | 麵飽 | (8519 Reads)

今日放假, 一早起身連早餐都未食就開始要整包包, 點解 ? 因為我叫工人一早7:00幫我開機去搓麵包, 到九點鐘就剛剛好完成第一次發酵, 要進行第二次的分割及包餡程序, 但由於我實習太疲倦.... 難得放假真係想訓多兩粒鐘, 但唔起身又唔得, 所以咪急急去做lor !

由於晚上寫低”便條”給工人開機,但都未知個餡整乜好, 想整簡單的腸仔包又未"攤"腸仔..... 點算好呢 ? 最後, 唯有試做菠蘿包 ....

大家如果心水清, 韋太係好少整菠蘿包的, 因為工夫多d嗎, 當然我有"臭粉"先去做啦 ,個皮會鬆脆d. 無就唔想去做... 但又要去找食譜... 你話一早都走來走去唔知做乜好呢 ?

又係例牌菜, 一次過整16個麵包分2-3天的早餐, 整左成10個菠蘿包, 另外8個就做左迷係豬扖包...

(又要玩一輪... 煎豬扖及影相啦 )

成朝早就只係做左2樣野, 又要出街la !