香港新浪網 MySinaBlog
« 上一篇 | 下一篇 »
韋太 | 27th Mar 2009, 23:08 PM | 西餐實習課程 | (893 Reads)

昨天星期四晚上要返學, 但中午時候韋太發覺自己巳頂唔順, 雙眼真係疲倦到打唔開, 在公司食飽飽就馬上小休半小時... 都好少少, 但飯後個頭巳開始頭痛 .... 真係痛到想死呀 !!!

好彩,我之前買定D葛根湯沖劑係可以對付初起的感冒,所以立即飲左一杯,兩小時候都好少少,返到學雖然無乜精神, 但都坐定定做下野.... ...

但今堂教的食物係韋太唔鐘意食的羊肉呀 !!!! 另外雖然有咖喱雞角,但係真係好熱氣WOR !

晚上返到屋企, 快快沖完涼又要開工.....

吓 ! 成十一點幾拿夜嗎嗎整乜呀 ???

之唔係有同事要求韋太幫佢整兩個心形生日蛋糕送給老公仔LOR ! (代兩個囡囡做,送給Daddy)

星期六要送貨,而我只得一個6吋心形模, 但係佢又要做兩個都係心形emotion, 為有早一晚做定一個, 星期五 (即今日)放工又拿拿聲做埋另一個... 又要幫佢影埋相...

我昨日在想, 如果真係病左, 星期六真係想唔返工, 但又要送貨..... 即係無得休息 ! 慘 !

好彩昨晚臨睡前又飲多一杯葛根湯, 今日好返晒啦 !