昨天除左整定左個奶黃餡之外，還試左一個新的冰皮月餅食譜...
當然，韋太為左方便，一般都會將食譜份量改成
"開材料"方便的配方去迎合自己的雖要。
但又想方便大家自行加大或減少份量，日後多數改用烘焙百分比的方法去計算 ?
唔明烘焙百分比係乜 ? 等我得閒再講解給大家知啦 !
呢個皮大仔話好食，因為加入左椰漿嗎 ！
皮薄餡多的冰皮月餅 ....
冰皮月餅 – 2009 新版本
A) 麵粉 20 克 (10%) + 粘米粉 50克 (25%) + 糯米粉 40 克 (20%)
B) 砂糖 60克 (30%)
C) 椰漿 200ml (1小包) (100%) + 鮮奶 125 ml (半杯) (63%)
D) 菜油 20 克 (10%)
製法 : (每粒皮約重30克)
1. 將A)的粉類預先混合及過篩，然後將砂糖一起放入碗內拌勻。
2. 將椰漿及鮮奶順序加入粉內攪拌至沒有粉粒，最後加入菜油拌勻。
3. 將材料倒入巳掃油的綱碟或糕盤內，用大火蒸約10-20分鐘。
4. .蒸熟後將粉糰放涼一會，將粉糰搓至幼滑後，用保鮮紙將粉糰包起，然後放入冰格急凍15分鐘後即可以使用。如不是即日使用，可以放在雪櫃下層。 (切勿將粉糰雪硬)
* 烘焙百分比計算方法係: 假定以椰漿份量做單位，椰漿份量假設係100%，如改變椰漿份量，其他材料都要按椰漿的重量去乘以百分比。e.g. 椰漿份量改為100ml，砂糖百分比係30%，即係將100x30% = 30克砂糖。
唔知大家明唔明呢 ?
韋太試食後報告 :
冰皮月餅放左入冰箱冷凍超過一星期後再試食，皮仍然好軟熟，雖然報告遲左，不過，下次大家有機會再試啦 !
(平日當糯米糍得閒整來食做飯後甜品都唔錯 !)
************************************************
綠豆餡綠豆 150 克 / 生油 1-2 湯匙 / 砂糖 100 克 / 澄麵 10 克
製 法 :
1. 綠豆洗淨用水浸2-3小時，然後用碟將綠豆放入，並加入少許水浸住綠豆去蒸約20分鐘至綠豆淋身。 (蒸熟後立即將綠豆壓成蓉)
2. 鑊熱下油少許，用中火將綠豆炒乾水份後，將砂糖加入炒勻。
3. 最後加入澄麵，拌勻變成豆蓉。
