今時今日教仔真係好辛苦架 ...
因為都怪自己唔好 ... 成日訓練佢地要獨立，但當佢地開始獨立時又唔多彩你...
十問九唔應，有時攪到我要發火先應你一句... 
有時激到想大力出手又怕被人拉架 ....
你都知啦，而家啲細佬好醒架，佢地識報警反過來告你都唔定... 
所以，而家做父母真係好難做架....
但係今日真係激到我終於認唔住要出手....
事由係因為韋生今天要返工，所以韋太今日都好勤力一早起身去整蛋糕及麵包 ....
做到下午四五點個人真係好想去訓下覺，但見到兩個衰仔係到打交 ..... (其實係玩緊Wii的遊戲)，見佢地連玩都懶過人，坐係到玩都唔跟住走，所以，韋太見這樣不如起身去做下熱身運動當減肥囉 (同佢地一齊玩下囉 !) 
之但係韋太做人好認真，連玩 (打保齡球)都跟足正確的姿勢及動作去打，反而比仔仔笑 .... 
但當佢見到我非常之投入後，當然要配合我企起身去玩啦....
這樣玩玩下都倍佢地玩左成兩個鐘...
其實之前見佢地玩都好想試下架...
不過唔想出醜嗎 !!! 
今天雖然無出街，但都係做左一項親子活動，自己又可以出一身汗，真係一舉兩得 !
你地見到呢個題目，入來之前係咪真係以為韋太出手打仔呢 ?
哈 ! 哈 ! 
