今天是星期六，放假一天... 因為而家公司暫時可以改放長短週, 但無半天大假請的,即係如果星期六請假就要扣假一天 .. (以前當半日計)唔好以為放多一日無用呀.. 差好遠架 .. 起碼唔使花費四五拾元的車費去返半日工,因為星期六返去都係好靜焗... 每個部門都係得1-2個人返工, 即係可能得5-6人開工..
浪費資源之外, 成效都唔大... 不過, 無辨法啦, 希望新老板遲些又改制度啦 !
雖然今天放假, 其實都係多左個早上時間做自己野。 昨天約定左個大仔,同佢出去食早餐,然後倍我去行街 ... 其實係買書包給他先倍我去 ... 然後又倍我去超市購買日常食品 ... (親子活動, 與仔仔溝通係呢個時候)
唔使佢拎, 有得送貨... 之後都成一點鐘, 韋太又怱怱忙忙趕去做facial後, 又怱怱忙忙二點半又趕去大仔學校聽講座.. 聽到4點幾才走去食下午茶 (其實係中午那一餐), 不過早餐成11點半做完都還好飽.....
返到屋企早巳決定今晚呢餐食簡單啲 : 蘿宋湯 + 肉醬千層麵 + Pizza, 所以一返到屋企就用手搓左一份 Pizza, 然後準備肉醬材料先焗千層麵, 然後又開麵包機整左兩份麵糰, 係準備下星期的早餐 .... 有午餐肉包 + 腸仔包 ...
韋生見到韋太整完 Pizza 做晚餐, 然後又在做麵包, 他"好奇"問韋太啲麵包係唔係明天食 ?
韋太的回應係 : 呢啲麵包全部都係下星期的早餐,韋太唔想明天一起身又要去整麵包, 見今天有心情整開野就順便整埋啦 !
麵包係加入左"麵種"入去搓,所以才可以存放多幾天都唔怕硬, 韋太又想收拾心情去整野, 因為發覺唔整野好似無乜寄託 ...
哈 ! 哈 ! 其實係 : 唔整野, 韋太唔出 post 怕大家得閒都唔來探訪韋太呀 ! 
