香港新浪網 MySinaBlog
« 上一篇 | 下一篇 »
韋太 | 20th Jun 2010, 00:19 AM | 韋大少學煮餸 | (2737 Reads)

星期六韋太放假,又一早Set 定一些簡單菜色給韋大少去學。

由於係星期六 ,所以煮少啲會好啲,因為唔想食隔夜餸 !

雖然大少今天病左,佢都要入去學煮餸,最多係示範完,佢學切一會後就由韋太包起去做啦 !

今餐講明係3餸一湯,點解只影得兩餸一湯 ?

因為另一碟係煎午餐肉,因為今餐肉太少了,臨時加餸開左一罐午餐肉。

大少要食香口的午餐肉,所以佢就慢慢去煎 ...

而由於韋老爺下午放早,為免影響開飯時間,韋太就快快影完去開飯啦 !

今次要教韋大少的工作係 :

1. 切牛肉的技巧

2. 蕃茄去皮及切薯仔後的處理方法

3. 煲西式湯中式湯的分別及去腥的技巧

4. 切西芹、節瓜、甘筍、椰菜及洋蔥的技巧

5. 豬肉處理及何謂起膠的做法的醃肉方法

6. 浸粉絲及蝦米的時間及處理

 

 

 

 韋太食後評語:

 1. 肉餅太鹹,因為鹹魚份量太多所至,下次可以落少啲。

    但煎得好靚,夠香口。(午餐肉都煎得好香脆)

2. 菜湯 ok,牛肉都仍然好淋,切肉技巧都 ok.

3. 節瓜粉絲蝦米炒得夠淋,唔會太硬及味道不會太鹹。

總括來講都合格。

明天父親節又要韋大少親自煮餐飯去為父親節慶祝啦 !