香港新浪網 MySinaBlog
« 上一篇 | 下一篇 »
韋太 | 8th Aug 2010, 22:32 PM | 中西式小菜 | (4581 Reads)

每次自製叉燒,韋太都要親自預早一天去肉檔訂肉 ...

點解咁麻煩 ? 乜唔係買梅頭叉燒肉就得咩 ?

其實買梅頭豬肉韋太都覺得唔夠淋身,啲肉又唔夠肥 .. 我地三個喜愛吃半肥瘦叉燒的..(韋老爺除外...佢要全瘦 ! 真麻煩 !)

所以,又要煮多樣合老爺口味的餸菜,否則佢又話...

究竟要買到舊豬肉那一個部位先叫靚 ? 由於老板娘只話比韋太知,下次去佢到買要話比佢知就係要買 " 豬扖肉第一刀 "??

但跟據我工人去取貨時,佢見到老板娘在豬大骴上切左呢舊靚肉出來 ...

食落非常爽口好食,又唔會鞋口 .. 無得頂呀 !

 大家看看平時去街市有無機會買到 ? 一般係唔會放出來比大家見到的 ... (熟客例外)

製成品給大家看 !

 焗製好簡單 :

 

食譜可以參考呢到 --> 按此

但其實韋太都係用另一簡單的方法去醃的 ..

就係只加入3湯匙叉燒醬,另加入半湯匙生柚,2粒乾蔥茸去醃一晚。(以1斤叉燒肉計)

焗30分鐘,然後塗上蜜芽糖再焗5分鐘即成。