香港新浪網 MySinaBlog
« 上一篇 | 下一篇 »
韋太 | 19th Aug 2010, 00:02 AM | 麵飽 | (5270 Reads)

今日無乜心情加班,所以6點幾就趕放工。原本都未諗到今晚試整乜野好 ...

最後就決定試整酥皮牛角包啦 !

以往都係做千層酥皮,但係牛角包可以用另一種加入依士發酵的麵糰發好後才去夾油去摺。

唔知點解,以往用酥油去摺皮從來都唔出油,但係用左有鹽牛油就出事 ?? 其實韋太一路都試左幾次,希望找出用牛油方面有無影響等.. 點知,今日一做個麵糰時巳出事 ??

點解 ? 因為韋太早兩年前出去學整麵包,堂上做無事,回家一路都無試用回上堂的食譜,點知... 個食譜的份量係錯架 !!!水份多左,攪到好似搓 "泥 " 一樣.. 一pat pat ...臨時補救就係一路加粉..加粉..搓完又搓 .. 倫到夾牛油時初初都無事,後來碌得唔好就出油,為左唔想浪費材料,最後都求其造型,焗左幾個牛角包食左佢 ! (一出爐韋太都即時試食左一個 ...肥 c 啦 !)

所以,韋太一向都要自己重新打過食譜才去做,即時跟人的食譜往往會出事 ?? 原因係自己的食譜詳盡啲,唔會容易出事嗎 ! 唔知大家同唔同意呢 ?

在等待個酥皮製作及發酵時,韋太又唔想浪費寶貴的時間,所以又即時製作一個麵糰,餡料打開雪櫃都找到 ....

最後都係做些簡單的芝士煙肉包啦 ! 今次韋太又試用另一種家庭式的發酵法,真係好 Work ,好快又發大又唔麻煩,焗完牛角包又可以接住焗埋芝士煙肉包 ... 焗完都成11 點幾啦 !!!

慘啦 !! 又夠鐘要埋位做功課 (上網覆 Email)及出 Post都要時間架 ....

 最近收到好多朋友向韋太查詢教授麵包課程,由於下月係接近中秋佳節,所以,韋太會以教授月餅優先,麵包課程都有開,但係要大家夾下時間先 !

有興趣想學習麵包課程基礎班的朋友,請電郵向韋太查詢。  Email: irenechan512@yahoo.com

課地點 : 元朗區 

(地點合適才發電郵呀 !)