香港新浪網 MySinaBlog
« 上一篇 | 下一篇 »
韋太 | 26th Dec 2010, 00:00 AM | 獅球嘜 - 食譜創作 | (1247 Reads)

韋太很榮幸今次被獅球嘜公司的邀請,參與是次食譜創作活動。(其實呢個活動巳在 1個月前準備好出街。但係要拖一個月才與大家見面。)

所以,韋太都會一連數星期在網站內介紹一些健康的食譜與大家分享。

韋太作為一個 [精明 ] 的煮婦,除左每次去超市買野時要夾下價錢之外,對於如何選取健康的食材都好講究 ...

點解 ?

因為大家每天都要閞飯,若果食材唔健康,都會大大影響大家身體的營養吸收。
若果唔理會的話,日積月累大家會在不知不覺間吸收左大量的脂肪或者膽固醇積聚過高,慢慢身體機能可能會後降或者容易心患上糖尿病或膽固醇過高等等病症。

所以,大家若果想家人食得健康及安心,一定要改變日常生活的習慣 …

點改 ?

煮餸除左要主菜有營養之外,食油方面都要講求健康。
所以,今次韋太會用一些健康的食油及有 [營] 的食材去創作食譜與大家分享。
食譜配搭簡單,除左可作日常生活的主菜之外,還可以作為節日菜色,來招乎親朋好友都一樣得架 !

不如大家先入去 --->(按入去)獅球嘜網站

欣賞韋太為大家介紹的菜色,睇完順便 [投]韋太食譜一票啦 ! 

食譜投票請按 --> 此制

投完票再回來繼續看韋太教大家的簡易製作程序啦 !

(網站內都有韋太的大頭相架 !)

************************

第一道菜色 : 炒參絲

材料
已浸發海參 150 克      西芹 60 克
甘筍 60 克                 銀芽 300 克 (即芽菜去頭)
薑片 3 片                   蔥 2 條 (切段)
獅球嘜芥花籽油           1 湯匙

海參出水料 -    薑片 3 片  蔥 2 條 (切段)
                       紹興酒 1 茶匙

海參燜煮調味料 -    蠔油 1 湯匙   砂糖 1/2 茶匙
                              生抽 1 茶匙  熱水 2 湯匙

調味料 -    蠔油 2 湯匙     生抽 1 茶匙
                 雞粉 1/2 茶匙  砂糖 1/2 茶匙
                  胡椒粉 少許   紹興酒 1 茶匙

獻汁 -  粟粉 1茶匙 清水 1湯匙

做法
1. 海參放入沸水中加入薑、蔥及酒煮3-5 分鐘去除腥味,然後將水倒出, 再加入海 參燜煮調味料用慢火燜煮5-8 分鐘 (或燜至稔),盛起瀝乾備用。
2. 西芹及甘筍去筋及皮,洗淨後切絲。燒熱一鍋水,將西芹及甘筍絲放入沸水內焯2分鐘後盛起,瀝乾水份。
3. 銀芽沖洗乾淨,瀝水備用。
4. 燒熱鑊落油1 湯匙,先將薑、蔥爆香,然後將銀芽加入炒至軟身,然後加入西芹及甘筍絲炒勻。
5. 加入調味料及海參絲炒勻,最後加入獻汁並用大火將汁料略為收乾,即可上碟。

 製作參考圖片 :

 

 

 

韋太生活小貼士 :

(食物營養成份及資料來自網上搜尋或參閱書本,只供參考)

海參及芽菜營養價值:
海參 - 無膽固醇成份,含有豐富的蛋白質、磷、鈣、碘等營養成份。滋陰補腎,對膽固醇過高及糖尿病者有食療功效。
芽菜 - 含蛋白質、脂肪、碳水化合物、鈣、磷、鐵、維他命B2 和磷脂酸等。它有清熱潤腸作用。
此菜色再配合獅球嘜芥花籽油來煮餸,含單元不飽和脂肪酸,有助降低壞膽固醇,喺心臟健康之選。想食得健康,當然要識得選擇好嘅食油啦 !

查看獅球食油其他產品的成份及特點  à 請按此 

獅球嘜官方網站 à 請按此 ß 有更加多參考資料

查看各項食物營養成份 à 請按此 

大家唔好成日話韋太唔教大家煮 "餸 "呀 !

要煮都要配合健康食材一齊去煮才有意思架 !