香港新浪網 MySinaBlog
« 上一篇 | 下一篇 »
韋太 | 8th Jan 2011, 13:00 PM | 獅球嘜 - 食譜創作 | (994 Reads)

韋太很榮幸被獅球嘜公司的邀請,參與是次食譜創作活動。

上年聖誕節期間,獅球嘜公司巳上載左第一個食譜上網站。

其實食譜合共有 9 個,即係大約每星期都會出一個與大家分享煮食心得。

唔知大家入去睇左第一個食譜製作未呀 ?
未就記得入去睇下,睇左唔怕蝕底,唔睇就有可能蝕底架啦 !!!


 

 雖然今次大會又玩投票項目,最麻煩的又要麻煩 Fans 先註冊後才可以去投票 ??? 韋太一向都知韋太的 Fans大部份都係大忙人及 CD Rom, 要麻煩大家去登記才可以投票真係辛苦晒大家。

所以,呢個遊戲都唔多合識韋太及韋太的Fans玩。大家只可以用平常心去看。韋太亦唔想其他朋友認為呢個係一個競爭的表現。

不過,有無興趣投票的都歡迎入去獅球嘜網站看看韋太與大家分享的食譜及其他 Blogger 朋友分享的食譜。

投票及網站  --- > 請接此進入

重溫韋太的第一個菜色 --> 請按此

************************************

 第二道菜色 : 草菇雲耳炒豬頸肉

材料
草菇    120 克        雲耳     15 克
甘筍     10 片        豬頸肉  200克
薑片      3片          蒜頭     2粒 (切片)
  

醃肉料:
乾蔥茸    1茶匙       蒜茸  1茶匙       生抽   1湯匙
砂糖      1/4 茶匙   雞粉  1/2 茶匙   栗粉   1茶匙 
獅球嘜葡萄芥花籽油 1茶匙 

草菇出水料:
薑片     2片       紹興酒   1茶匙

調味料:
蠔油   2湯匙           生抽  1茶匙
老抽   1茶匙          砂糖    1/2 茶匙
鹽     1/4 茶匙      紹興酒    1茶匙
清水    3湯匙         獅球嘜葡萄芥花籽油   1湯匙

獻汁 :  粟粉  1茶匙   1湯匙清水  (拌勻)

做法
1.雲耳浸軟,洗淨去蒂。
2.豬頸肉洗淨,切片。加入醃肉料醃30分鐘。
3.草菇洗淨,在頂部界十字,加入2片薑及汆水,瀝乾水備用。
4.燒熱鑊落油1湯匙,將薑片及蒜片加入爆香,加入豬頸肉炒至半熟,然後將甘筍片、雲耳、草菇及調味料加入煮3-5分鐘,加入獻汁埋芡,即可上碟。

製作參考圖片 :

韋太生活小貼士 :

(食物營養成份及資料來自網上搜尋或參閱書本,只供參考)

豬頸肉 - 為豬面頰至下顎之間帶脂肪層的肉,其肥瘦混雜,看似肥膩,但脂肪含量不太高,肉質粗而帶韌性,可作熬油、切片或造成免治豬肉之用。性平,味甘鹹。適宜作煎、炒、炭燒、烘烤、燜煮等處理。

雲耳 :
味甘、性平,能潤肺生津、益氣、強心補腦、有排毒功效。富含蛋白質、脂肪、糖類及多種維生素,脆嫩可口,風味獨特,營養價值很高。

草菇 :
在所有菇類中,維生素C含量最高,能促進人體新陳代謝,提高機體免疫力。它具有解毒作用。還能減慢人體對碳水化合物的吸收,是糖尿病患者的上選食品。經常食用草菇,可提高機體對傳染病的抵抗力。

此菜色再配合葡萄芥花籽油來煮餸,不含膽固醇,煮餸油煙少,
又有抗氧化功效, 皮膚靚啲及廚房容易清理,得閒還可以煮多幾味潻 !

查看獅球食油其他產品的成份及特點  à 請按此 

獅球嘜官方網站 à 請按此 ß 有更加多參考資料

查看各項食物營養成份 à 請按此 

各位韋太的 Fans,仲唔快啲去買齊材料開工啦 !