香港新浪網 MySinaBlog
« 上一篇 | 下一篇 »
韋太 | 19th Feb 2011, 23:00 PM | 獅球嘜 - 食譜創作 | (1514 Reads)

眨下眼呢個農曆新年巳過去。韋太希望今年每個人的運程會好轉及更加好啦 !
唔經唔覺韋太都連續出左 2個月的食譜,唔知大家有無時間去試下呢 ? 無時間唔緊要,因為一般的家庭菜色大家都會識煮。尤其是我今期要介紹的菜色,大家一定會經常食到或煮的。

不過,韋太的要求都幾高的,一般家庭餸菜都要工人姐姐跟住呢個方法才做,才會做出似無似樣的菜色。

呢個菜色,每逢節日嫂嫂來我家都必定要點選及外賣的 ...
大家有興趣就入去看看如何做法啦 !

呢味餸就係 ... 梅菜扣肉啦 !!! 
究竟梅菜蒸豬肉好食啲 ? 還是梅菜扣肉好食啲 ?
雖然扣肉係肥左啲,但係燜得鬆化及配合健康的食油,間中食一餐都無所謂啦 !

大家可以入去獅球嘜網站內查看更多的食譜 -->

獅球嘜網站內

 


材料:
五花腩            2斤
咸、甜梅菜     250克

調味料︰
老抽     3湯匙
生抽     半湯匙
蠔油     1茶匙
紹興酒   1茶匙
砂糖     3茶匙
清水     3湯匙
冰糖碎   30克 (1小粒)

獅球嘜芥花籽油 1湯匙

 

 

 

做法:
1.  梅菜沖淨, 用清水浸 30分鐘,然後榨乾水份,切粒備用。
2.  將豬肉的皮刮乾淨,放入滾水內中火煮30分鐘,盛起後放入冰水內過冷河。
3. 用針在五花腩皮上平均刺上小孔,然後在表皮搽上適量的老抽,吹乾5-10分鐘。
4. 燒熱鑊落油2湯匙,用廚紙印乾豬皮表水份,將五花腩皮朝向下放入鑊中,煎至表皮上色,反轉另一面略煎至金黃色後盛起。
5. 待豬肉放涼,切成厚薄適中的豬肉件。
6. 燒熱鑊落油1湯匙,將梅菜加入爆香,將調味料加入用中慢火煮3分鐘。
7. 將豬肉件排放在湯碗內(豬皮向底),將巳炒好的梅菜鋪在豬肉表面。 放入鑊內蒸約1小時30分鐘,取出倒扣在碟上即成。

韋太生活小貼士 :

 (食物營養成份及資料來自網上搜尋或參閱書本,只供參考)


五花腩肉中含有豐富的優質蛋白質和必需的脂肪酸,並提供血紅素(有機鐵)和促進鐵吸收的半胱氨酸,能改善缺鐵性貧血,具有補腎養血,滋陰潤燥的功效。但由於豬肉中膽固醇含量偏高,故肥胖人群及血脂較高者不宜多食。而梅菜扣肉中的梅菜纖維素能把部分壞膽固醇帶走,使好膽固醇被人體吸收。

做步驟 4) 時要特別小心,因為油會彈出來。最好放入豬肉後立即加上鑊蓋,以免焯傷。煮好後的梅菜扣肉,若果可以留待第二天才進食,效果更加入味。
若不用倒扣的方法,可以將肉排放在碟上去蒸。

梅菜選用兩款咸及甜,做出來的風味也不同。若唔想麻煩,可以只選購甜梅菜都可以。

菜色再配合獅球嘜芥花籽油來煮餸,含單元不飽和脂肪酸,有助降低壞膽固醇,喺心臟健康之選。

想食得健康,當然要識得選擇好嘅食油啦 !

查看獅球食油其他產品的成份及特點   請按此