香港新浪網 MySinaBlog
« 上一篇 | 下一篇 »
韋太 | 24th Oct 2011, 23:19 PM | 美心產品 - 食譜創作 | (743 Reads)

呢兩日韋太的晚餐菜色都係圍繞住 [臘味]。原因昨天都提及過 .....

今年美心的臘味韋太感覺到比去年更加好。原因係點解 ? 可能係用料更加足本去做,有食評或市場反映或跟據市場調查等等掛 ......

有改善,得益的當然係大家啦 !

唔知大家最近有無睇報紙呀 ??

大陸無良的奸商,用死豬去做臘味 ... 聽到你都咪話唔驚 ?? 都係買香港製造的有保證啦 !

 

 

往年都有好多 Bloggers 為美心撰寫 [臘味]食譜。大家都創意無限。但今天的菜色當然又唔會重覆啦 ....

若果唔係點叫創意食譜呢 ?

昨晚試做的 [臘香雞肉棒棒],味道非常之夾。加上泰式酸辣汁去蘸來吃,真係連不願食餸的韋二少爺都食左幾串呀 !

製作過程都簡單,而且韋太改用半煎炸的方式,不油不膩。加埋泰式酸辣汁,非常之好食 !

 臘香雞肉棒棒

材料 : (約 8串)
美心鮮肉臘腸    1條
雞扖     1塊  (約200克)
麵包糠   適量

竹籤    8 枝

調味料:
幼鹽    1/4 茶匙
砂糖    1/4茶匙
生抽    1茶匙
清水    2湯匙
粟粉    1茶匙
麻油    少許

建議蘸汁 : 泰式酸辣醬

做法 :
1.臘腸預先蒸約10分鐘至軟身,放涼,切幼粒備用。
2.雞扖去皮,切成幼條,然後刴碎成免治雞肉。
3.將調味料鹽、砂糖、生抽及清水順序加入雞肉內大力攪至起膠,最後才加入粟粉及麻油拌勻,及將臘腸粒加入拌勻。
4.另準備清水及鐵匙,先將鐵匙浸入清水內,然後用匙取約1湯匙雞肉餡放在手掌上,再用匙及清水將餡料推成長條狀,插入竹籤入餡內固定位置。最後佔上麵包糠備用。(其餘餡料做法一樣)
5.燒熱鑊下油2-3湯匙,將雞肉棒棒加入,用半煎炸的方法將雞肉煎至熟及金黃色即成。

韋太小貼士:
可以加入2-3粒馬蹄粒入雞肉內,食落效果更加爽口。