香港新浪網 MySinaBlog
« 上一篇 | 下一篇 »
韋太 | 14th Mar 2012, 23:12 PM | 韋太新書介紹 | (783 Reads)

韋太第五本個人食譜由上年年尾傾談好出書內容,終於巳安排在昨天及今天進行食譜拍攝。

雖然韋太巳有 4次食譜拍攝製作的經驗,但係今次呢本食譜的製作較過往的較困難...

點解 ? 原因係今次要出的書係麵包製作,全部由 [韋太手搓] 全無依賴麵包機。(原本想找它幫手,點知放底佢一年唔使佢開工,最後就玩罷工,玩完唔使佢做 ! ) 激死人 !

好彩 ! 韋太天生唔係太蠢,無佢幫手還有我個 [人腦] 想到辨法去應付。每天製作十幾廿款,8小時不停製作 (其實係12小時). 企到腳軟 ,條腰都直晒 ! 忙完一天,吃完晚飯小休半小時又要企.... 搓.. 準備等等多樣工作。做到晚上12點人都散晒 !

大家看看張檯由無乜包包放到成檯都係包 ! 其實中午巳食左好多包包當午餐 !

下星期二還有最後一天的拍攝工作,不過韋太巳在頭兩天盡量製作多些,餘下一天唔使做太多,可以唔使趕餐死 !

忙完下星期的拍攝工作,還要自己執相認圖片,將所有 Step 排好交回給出版社,然後就等對稿等等... 忙 .. 忙 ...忙 呀 !

不過,呢頭完成呢份工,那邊箱又要交功課傾談另一食譜新書製作啦 !

還有.. 還有 .. 好多,好多 .. 食譜要做功課,交多些創作食譜給大家網上學習呀 !

大家請留意 五月份的出品 !

 

 今次呢本 [自家製 -麵包製作],真係將韋太全部自家製的真功夫寫晒出來,務求令到每一位朋友及粉絲都仿如韋太在旁教導一樣 !

全書除左在每款包包的製作過程,韋太的理論分析當然不可少啦 !

希望大家到時多多支持啦 !