香港新浪網 MySinaBlog
« 上一篇 | 下一篇 »
韋太 | 9th Apr 2012, 18:55 PM | 生日蛋糕 | (1107 Reads)

一連數天復活節假期巳完了。明天又要回復忙碌的工作。

明天才是韋老爺的生日,韋太早巳在前幾天整左四個生日蛋糕為他慶祝。(原本打算整五個)

點解整咁多 ? 其實係想一次過將一包1公升的淡忌廉盡快消滅,最後餘下得160克忌廉,都係留番整其他啦 !

今次想用一個唔係蛋糕模的器皿去做芒果半圓形慕士蛋糕,但係工人姐姐唔知今次買回來的芒果要用來做表面裝飾,所以大部份都係太熟,攪到唔靚仔。今次改用另一品牌芝士,味道非常之香滑。(佢話文華酒店都用佢) 昨晚提早捉左兩位少爺與老爺一齊影下相,然後當然快啲開始將蛋糕消滅晒佢啦 ! 好彩昨晚巳試食,因為今早個香滑芒果流心芝士慕士蛋糕巳食晒啦 !

今次連老爺都開到口話呢個蛋糕好食,證明芝士味道真係超滑滑 ! Yummy !

 好耐無整雙料藍莓芝士凍餅,底層係消化餅 + 焗藍莓芝士蛋糕,再加面層係藍莓慕士凍餅,兩種口味一齊食,感覺好新鮮 ! 不過就製作要花上多些時間去焗完才可以做慕士層。

芒果流心芝士半圓慕士蛋糕 ... 我很醜,但好好味呀 !

呢個叫 [紅桑子士多啤梨慕士蛋糕],有兩層不同口味,士多啤梨就用新鮮士多啤梨去打茸,好甜呀 !

 紅桑子慕士蛋糕  (顏色好靚呀 ! ) 

預祝韋老爺

生日快樂 ! 身體健康 !