香港新浪網 MySinaBlog
« 上一篇 | 下一篇 »
韋太 | 15th Apr 2012, 23:01 PM | [陳氏宗親會] | (1309 Reads)

今日韋太休息,約埋 [陳氏宗親會] 各家庭成員一起去西貢拜山。

順道去歎海鮮餐 !

但係時間真係玩 c人, 相約兩點上山, 唔使三點落山, 食午餐又太遲,食晚飯又太早, 去到買完海鮮就三點三下午茶時段。不如早些食完就早些回家休息。

難得一年一次,當然要去探下老表一家人啦 ! 但係我地呢一代係細,姑姐都唔認得我地係乜誰 ?  唔識得韋太唔緊要,識得哥哥就有餐足料海鮮餐啦 !

雖然免茶芥免加一,我地幾家人合共18位一圍菜,食左成十幾味,埋單都要成萬二蚊。

算慳左成千幾蚊加一服務費。

今天太子爺介紹我地食 [皇帝蟹],一大隻都有成 5-6斤重,隻蟹鉗合埋都有我成隻手掌大。一隻的價錢四千蚊有找 !

不過味道就覺得麻麻地, 因為食原味...

食落好重海水咸味。

一蟹兩食,用花彫蛋白蒸蟹身,蟹糕蒸水蛋。

另外我地 order 左好多海鮮, 包括有 :

芝士焗龍蝦, 白灼蝦, 東風螺, 大大隻懶尿蝦, 炒覜,炒斑球及燜斑腩, 墨魚, 聖子,扇貝,及主角 ... 皇帝蟹。

當然還叫左成 6碟郊外油菜。

個個食到夠晒,拿左都有成12-3盒。

因為真係太多啦 ! 下午茶時段.. 巳盡力。

回家後,幾位大少爺都話食唔落飯,韋太又唔使煮飯。

 

 

 我地就買左佢 .. [呢隻皇帝蟹]。

 呢個就係成日上電視及報紙的 [全記海鮮酒家]太子爺 偉麟哥。

難得有星級 皇帝蟹及太子爺出埋來,韋太當然都要搶下鏡先 !

唔記得問點解啲 賴尿蝦要放佢入樽 ?

上年講過一次,唔記得 ???

大龍躉,好大呀 !!

以前成龍就在全記拍旅遊協會宣傳廣告,今次就有 蔡生歎海鮮 !

海鮮餐菜色相片 post 晒入去  韋太個人 Facebook,要 Add 韋太才見到架 !

http://www.facebook.com/irenechanwai

個人facebook 唔知點解唔比分享相片去韋太烹飪教室 Fans專頁 ? 真係未識點玩呀 !

如果大家開到以下相薄,見到碟油菜與海鮮的大大隻碟對比一下,就知啲海鮮有幾大碟 !

http://www.facebook.com/irenechanwai#!/photo.php?fbid=3681735843386&set=a.3681730803260.164638.1274782354&type=1&theater

 

[韋太烹飪教室] 提供網上食譜及短片教學