香港新浪網 MySinaBlog
« 上一篇 | 下一篇 »
韋太 | 28th Feb 2013, 00:01 AM | 韋太生活隨筆 | (365 Reads)

時間過得真係快,寫 Blog 都巳經寫左七年啦 !

每年 2月28日 就係 [韋太烹飪教室]七週年,每年生日都會帶出 [驚喜] 給大家,唔知大家估唔估到今年又有乜 [驚喜]呢 ?

*有 Facebook 的朋友,請入去 Facebook 按 [Like] 以示支持 *

其實,韋太能夠支持到今日,全憑各粉絲們的支持,才有這動力去不停創作食譜及有幸能保持每年都可以出書。

每年韋太都會為這特別的日子預早準備

[生日蛋糕]。但係唔知係咪因為近期忙於編寫新書食譜,還要打孖一齊來,一本接一本去編寫,放工回家都想坐定定休息一會,放鬆心情唔好令自已太緊張。所以,農曆新年期間都算休息多左,但係個人又懶左。

今年出書可以打孖來一齊來,唔知呢個算唔算 [驚喜] 呢 ? 

 

在這一年來,韋太除左日間工作五天,還盡量安排星期六、日開辦 [韋太私人教授課程]。目的係希望將好野盡快教授給大家。

大家千期唔好誤會韋太為左不停要賺錢而去做。而係本著一顆心去將我學到的技巧與眾粉絲們一起分享。

韋太更加多謝好多海外的粉絲們,來港渡假都要山長水遠入來元朗探訪韋太。還有近月來都有粉絲們從深圳及廣州都要專程來香港跟韋太學整麵包及蛋糕。可想而知,大家對韋太的教學方法絕對有認同。

在去年書展前,韋太出的食譜書 [我愛手工麵包],更加收到各方同學及朋友的贊賞,認為這真是一本專為新手 [麵包入門] 的一本最清晰及容易明的食譜書。 當然,除左新手,其他過往不能做出鬆軟麵包的朋友都有所得著及改善,這證明韋太的用心編寫係沒有白費心機的。

而今年書展前,韋太都會有兩本全新及適合初學者入門的食譜書將會出版,屆時,希望各位粉絲們多多支持呀 !

最後,再次多謝各位粉絲及朋友們的支持 !

[韋太烹飪教室] Facebook 粉絲專頁

http://www.facebook.com/irenechan512

請大家入去按 [Like]