香港新浪網 MySinaBlog
« 上一篇 | 下一篇 »
韋太 | 14th Mar 2013, 23:37 PM | 韋太生活隨筆 | (185 Reads)

近日不停研究芝士蛋糕的不爆之迷,研究為何不同的方法才可以令到蛋糕不爆 ?
除左從打法的技巧,爐溫,水溫多方面去研究,食譜成份百分比的影響等等,足足每星期食一個芝士蛋糕做飯後甜品。
今次一定變肥婆啦... 但無辨法啦,為左本月底進行另一本食譜製作進行最後測試。

食譜大網上年巳寫好,其實都不用擔心及花太多的時去間去再測試,因為食譜的內容都係從韋太網站內的早期作品抽出來。
但為左食譜內容有精益求精,追上潮流腳步,都要再作修改及嘗試。

自從農曆新年前巳完成第一本食譜製作,成個人都心懶散下來,其實係將自己放鬆心情,及放工後多休息。因為近年來太多的壓力從不同的方向壓埋
來,我真的不知道如何能將它打散,唯有放鬆自己,不想去多諗,自求多福。

上星期與好友吳太閒談,她說起以前的韋太經常有網內講下日常公司的事情或對一些睇唔過眼的事情都會毫毛保留地去盡情發洩,引得她看得好開心?
哈! 哈 ! 原來我的真性情連寫出來都係直長直肚的。唔怪得朋友及同事成日叫的 [慎言],但係我都係成日收唔到好,一睇唔過眼又想開口。
隨著時間及工作環境的改變,現在的韋太每天收工後真係無乜動力能夠再推動自己多嘗試加插或寫更多的生活隨筆 ...
但請大家比些少時間我,待一齊煩惱及壓力解封後,生猛的韋太又會再次活躍起來,到時我怕嚇親大家呀 !