香港新浪網 MySinaBlog
« 上一篇 | 下一篇 »
韋太 | 8th Aug 2007, 23:07 PM | 我的麵包課程-07 | (2199 Reads)

今堂巳經是第八堂, 每次返學都好趕, 簡直係以9秒9的速度跑去門口打咭走人,而且明天開始放一星期大假, 要交底d工作都不用多講, 都早巳用幾張紙寫底

給同事去跟. (其實唔寫底連講都無時間講, 歌仔都有唱啦 "真係日日做到無停手 " 清清楚楚等同事容易跟, 放假後希望快d上手.)

今堂明哥話左會遲放學, 原來他去左"威威" 唔返學.

要亞sir一個人做晒, 辛苦晒亞sir, 但我地都無話遲放學,都係8點九提早左又走得, 但我d包包真係放到最後先至去焗, 所以全部同學走晒, 我留堂留左15分鐘先走得, 激死 !

講返今堂教的包包有 : 芋頭包、飛碟包及椰茸檳.

(原來亞sir都有到韋太這裡探訪的, 好彩我無講佢是非, 如果

唔係就以後就無"餡"好食 !哈!哈!

亞sir話原來飛碟包就即係日式的"北海道"包.入面無餡的.

亞sir好人, 所以就給d芋頭餡比我地做左個"芋頭飛碟包" !

不過d包太新鮮出爐,而我又要趕住放學,d包包給我壓到

"扁"晒.所以影相都唔靚仔 !